Фотафакт: абстраляныя ўкраінскія верталёты ў Славянску

У ноч на 2 траўня ў Славянску былі збітыя два верталёта Мі-24 Узброеных Сіл Украіны.

У выніку абстрэлу двое вайскоўцаў загінулі, яшчэ некалькі атрымалі раненні рознай ступені цяжкасці. Акрамя таго, стрэламі са стралковай зброі пашкоджаны верталёт Мі-8 армейскай авіяцыі Узброеных Сіл Украіны. У гэтым выпадку ахвяраў і пацярпелых няма, піша liga.net.

Нагадаем, сёння раніцай украінская армія аднавіла аперацыю па вызваленні Славянска, захопленага раней расейскімі дыверсантамі і сепаратыстамі. Сілавікі атакавалі ўсе блокпосты па перыметры горада. Быў вызвалены тэлецэнтр. Пры гэтым выкарыстоўвалася верталётная падтрымка.