Рух цягнікоў праз Славянск адноўлены

Чыгуначны рух праз Славянск адноўлены. Пад'езды да вакзала кантралююць узброеныя людзі.

Пра гэта паведамляе ТСН.

Як стала вядома, зараз пад'езды да вакзала кантралююць мужчыны са зброяй, якія трымаюць на прыцэле вокны цягнікоў і стаяць за некалькі метраў ад рэек.

Рух спыняўся з 8 да 10 раніцы - сепаратысты вывелі на шляху ў напрамку Луганска БТР і заблакавалі шынамі іншыя напрамкі. Зараз шыны прыбіраюць памочнікі машыністаў і праваднікі. Цягнікі пусцілі ў аб'езд - праз Красны ліман. Пакуль няма руху цягнікоў праз Краматорск.

Як вядома, раней 2 траўня тэрарысты распачалі спробу захопу пасажырскага цягніка «Масква-Марыупаль» падчас яго спынення ў Славянску. «Спроба захопу была прадпрынятая падчас спынення цягніка ў Славянску (прыбыццё у Славянск ў 08:06). Сцэнар тэрарыстаў сарвалі падраздзяленні антытэрору», - адзначалася ў паведамленні.

Адзначым, што Славянск з'яўляецца важным транспартным вузлом, дзе сыходзяцца чыгункі з Харкава, Данецка, Марыупаля і Варонежа.