Верталёты ў Славянску збітыя з ПЗРК расейскай вытворчасці

На ўзбраенні ў тэрарыстаў ёсць і іншыя ўзоры расейскай высокатэхналагічнай зброі.

Абстрэл верталётаў пад Славянскам быў ажыццёўлены з пераносных зенітна-ракетных комплексаў расейскай вытворчасці. Пра гэта заявіў намеснік міністра абароны Украіны адмірал Ігар Кабаненка, піша "Корреспондент".

"Тое, што сёння ноччу ўжываліся пераносныя зенітна-ракетныя комплексы, дарэчы, расейскай вытворчасці, то, што гэтыя групы тэрарыстаў, дыверсантаў узброеныя сучаснай высокатэхналагічнай расейскай зброяй, сведчыць пра тое, што супраць нашай дзяржавы ўжываецца ваенная сіла - так, незвычайным спосабам, ды, з выкарыстаннем адпаведнай асіметрыі. Гэта ўсё патрабуе нашага рэагавання, каб не даць гэтай заразе распаўсюдзіцца", - адзначыў Кабаненка.

Намеснік старшыні абароннага ведамства падкрэсліў, што супраць Украіны вядзецца сапраўдная вайна, і таму ўлада вымушаная ўжываць усе наяўныя сродкі для абароны грамадзян і дзяржавы.

"Мы павінны разумець, што гэта вайна. На гэтай вайне або перамагаем мы, або перамагаюць нас. І тыя формы і спосабы, якія сёння ўжываюцца, - гэта вымушаны падыход з нашага боку, каб абараніць нашых грамадзян, нашу дзяржаву, нашы сем'і, наш лад жыцця, дэмакратычныя каштоўнасці. Усё, што робіцца, - гэта абсалютна дарэчны і мэтавы спосаб, накіраваны менавіта на тое, каб гэтыя дыверсанты, людзі, праплочаныя адпаведным чынам, засланыя з іншай дзяржавы, спынілі сваю дзейнасць", - сказаў Кабаненка.

Нагадаем, у ноч на 2 траўня каля Славянска на Данетчыне былі збітыя два верталёта Мі-24 Узброеных Сіл Украіны, якія ажыццяўлялі паветранае патруляванне. У выніку абстрэлу двое вайскоўцаў Узброеных Сіл Украіны загінулі, яшчэ некалькі атрымалі раненні рознай ступені цяжкасці.