Тэрарысты выкралі кіраўніка самаабароны Данецка
1- 2.05.2014, 18:55
- 8,817
У цэнтры Данецка сэпаратысты выкралі аднаго з сотнікаў Майдана. Знік кіраўнік самаабароны Данецкай вобласці Аляксандр Якубовіч.
Такую інфармацыю распаўсюджвае УНІАН са спасылкай на відавочцаў.
"Яго ўзялі ў палон тыя, што заселі ў будынку абласной адміністрацыі. Гэта адбылося на маіх вачах. Іх было 12 чалавек, узброеных да зубоў, - распавёў сведка журналістам. - Гэта было насупраць цэнтральнага офіса МТС, на пляцоўцы каля "Макдольдса".
Іншы сведка паведаміў, што група нападнікаў узброеная пісталетамі Сцечкiна, ТТ і Макарава.
Да месца выкрадання пад'ехаў мікрааўтобус "Фольксваген". Са слоў відавочцаў, нападнікі на Якубовіча былі без масак і ў адным з іх відавочцы пазналі чалавека, што "неаднаразова выступаў на мітынгу за "Данецкую народную рэспубліку".
Нагадаем, у палоне ў тэрарыстаў у суседнім Славянску ўжо знаходзяцца дзясяткі ўкраінскіх актывістаў, вайскоўцаў, а таксама супрацоўнікі місіі АБСЕ.
Фота: AP