Баевікі захопліваюць выбарчыя ўчасткі ў Марыупалі
7- 21.05.2014, 15:41
- 10,464
Узброеныя аўтаматамі тэрарысты сёння занялі яшчэ два выбарчыя ўчасткі.
Баевікі ўварваліся ў памяшканне школы №37 і запатрабавалі закрыць размешчаныя ў ёй ўчасткі, а ўсім, хто знаходзіўся на іх тэрыторыі, пакінуць памяшканне. Пасля гэтага памяшканне было апячатана, піша мясцовы сайт 0629.
Пасля надзвычайнага здарэння прадстаўнікі камісіі адправіліся ў акруговую выбарчую камісію. Там паведамілі, што цяпер забеспячэннем далейшай аховы ўсіх участкаў у горадзе займаюцца яе прадстаўнікі і вырашаюць гэтае пытанне з кіраўніцтвам упраўлення міліцыі.
Крыху пазней узброеныя людзі прыйшлі ў школу №32 і запатрабавалі закрыць участак, размешчаны на яе тэрыторыі. Дзяжурнаму ўручылі паперу, у якой напісана, што правядзенне выбараў прэзідэнта Украіны нібыта незаконна. Член камісіі не стаў супраціўляцца.
Акрамя таго, сепаратысты зачынілі сёння два выбарчыя ўчасткі ў школе №68. Два чалавекі сарвалі са сцен агітацыйную дакументацыю, выгналі членаў выбаркама і апячаталі памяшканне.
Нагадаем, 16 траўня ўзброеныя баевікі разграмілі акруговыя выбаркамы і сарвалі трэнінг работнікаў участковых камісій ТВК №105. Тэрытарыяльных выбарчых акругаў № № 105 і 106 у Луганскай вобласці. 20 траўня быў захоплены выбаркам ў Марыупалі, ёсць пацярпелыя.
Фота: AP