Бандыты разганялі акцыю патрыётаў Украіны ў Данецку кувалдамі
6- 21.05.2014, 16:13
- 31,927
Баевікі пагражалі жыхарам Данецка, якія сёння пратэставалі супраць акупацыі Украіны.
Відэа інцыдэнту публікуе мясцовы сайт «Остров» на сэрвісе YouTube.
Жыхары Данецка сёння сабраліся ў цэнтры горада для таго каб выказаць свой пратэст супраць разгулу бандытызму ў рэгіёне і спроб аддзялення ад Украіны. Іх падтрымалі аўтамабілісты. Яны, як і менчукі некалькі месяцаў таму, павольна ехалі па цэнтральных вуліцах і гучна сігналілі. Невядомыя малойчыкі, узброеныя бітамі і кувалдамі спрабавалі сарваць акцыю. Яны спынялі машыны і пагражалі людзям, якія падтрымлівалі аўтамабілістаў.
«Глядзіце, я са сцягам, а ён з кувалдай. Я не магу ў сваёй краіне сцяг падняць», - кажа абураны жыхар горада, якому перашкодзілі разгарнуць сцяг Украіны.
Нагадаем, акцыі ў падтрымку адзінства краіны праходзяць у Данбасе ўжо другі дзень па прызыву алігарха Рыната Ахметава.