Супрацоўніка ДАІ ў Менску збілі на скрадзеным аўтамабілі

Аўтамабіль, на якім жыхар Калодзішчаў збіў да смерці супрацоўніка ДАІ, быў крадзены.

Як паведамілі БелаПАН у Следчым камітэце Беларусі, у дачыненні да кіроўцы "Фіят скуда" які ўчыніў ДТЗ, у выніку якога загінуў супрацоўнік ДАІ, распачатая крымінальная справа паводле факту крадзяжу транспартнага сродку. Яго дзеянні кваліфікаваныя паводле ч.1 арт.214 КК (неправамернае завалоданне транспартным сродкам і паездка на ім без мэты крадзяжу).

Нагадаем, ноччу 21 траўня на праспекце Незалежнасці, насупраць Вайсковай акадэміі, п'яны жыхар паселішча Калодзішчы на "Фіят скуда" насмерць збіў супрацоўніка аддзела ДАІ Першамайскага РУУС старэйшага лейтэнанта міліцыі Паўла Груздзева. Кіроўца, які ўцякаў, затрыманы.

24-гадовы інспектар выконваў службовыя абавязкі для забеспячэння дарожнай бяспекі на ўездзе ў горад з боку мікрараёна Уручча. Трагедыя адбылася а 0.40. Ад атрыманых траўмаў міліцыянт памёр на месцы здарэння.

Пры правядзенні выявілася ў крыві 28-гадовага кіроўцы выяўлена 2,75 праміле алкаголю. Ён не меў пасведчання кіравання транспартнымі сродкамі. Акрамя таго, затрыманы восем разоў асуджаны за наўмысныя злачынствы, у тым ліку двойчы - за кіраванне транспартнымі сродкамі ў стане алкагольнага ап'янення (арт.317-1 КК). Следствам вызначае пытанне аб ужыванні да падазраванага меры стрымання ў выглядзе зняволення.

Дзеянні падазраванага кваліфікаваныя паводле ч.4 арт.317 КК (парушэнне правілаў дарожнага руху асобай, якая кіравала транспартным сродкам у стане алкагольнага ап'янення, што пацягнула з неасцярожнасці смерць чалавека). Следства не выключае магчымасці змены кваліфікацыі дзеянняў затрыманага на больш цяжкае злачынства.