Расейскія баевікі прарываліся ва Украіну для зрыву выбараў
44- 24.05.2014, 14:10
- 44,542
У МЗС мяркуюць, што ўзброеныя людзі перасякалі мяжу пры спрыянні расейскіх памежнікаў.
Сёння, 24 траўня, пад 4:00 раніцы вайскоўцы Дзяржаўнай памежнай службы Украіны ў месцы пункта пропуску Дуброўка Данецкай вобласці зафіксавалі чарговае несанкцыянаванае перасячэнне мяжы з боку Расейскай Федэрацыі. Ва Украіну накіроўваліся пяць грузавых і два легкавыя аўтамабілі, у якіх знаходзіліся ўзброеныя людзі. Пра гэта сказана ў заяве Міністэрства замежных спраў Украіны.
"Ёсць усе падставы сцвярджаць, што, як і папярэднія парушэння мяжы з боку Расеі, гэтая правакацыя адбывалася пры непасрэдным спрыянні і папушчальніцтве расейскіх памежнікаў", - гаворыцца ў паведамленні.
На думку дыпламатаў, задачай Расеі з'яўляецца зрыў прэзідэнцкіх выбараў "шляхам запалохвання, захопу закладнікаў, забойстваў мясцовага насельніцтва, прадухілення нармальнай працы выбарчых камісій".
Раней сталы прадстаўнік Украіны ў ААН Юрый Сяргееў абвінаваціў Расею ў спробах сарваць прэзідэнцкія выбары 25 траўня.