МУС: Блізу 17 тысяч міліцыянтаў у Данецкай вобласці здрадзілі Украіне
47- 24.05.2014, 14:28
- 28,678
Супраць праваахоўнікаў Данецкай і Луганскай абласцей, якія перайшлі на бок сепаратыстаў або не выконваюць свае абавязкі, узбуджаны шэраг крымінальных спраў.
Да таго ж асноўная частка іх звольненая з міліцыі.
Пра гэта на брыфінгу ў суботу распавёў начальнік Дэпартамента грамадскай бяспекі МУС Украіны Уладзімір Грыняк, паведамляе Укрінформ.
«У дачыненні да праваахоўнікаў, якія перайшлі на бок сепаратыстаў або не выконваюць свае функцыянальныя абавязкі і прысягу, якую яны далі народу Украіны, распачатыя крымінальныя справы, але асноўная частка з іх звольненая», - сказаў чыноўнік.
Грыняк падкрэсліў, што ў Данецкай вобласці МУС налічыла амаль 17 тысяч здраднікаў.