Сенатар Роберт Портман: ЗША могуць дапамагчы Украіне зброяй
27- 24.05.2014, 22:17
- 19,976
ЗША могуць даць лёгкае ўзбраенне для абароны Украіны.
Пра гэта паведаміў на брыфінгу ў крызісным медыя-цэнтры сенатар ЗША ад штата Мэрыленд Роберт Портман, паведамляе УНІАН.
«Амерыканскія вайскоўцы не будуць ваяваць на ўкраінскай тэрыторыі, але ЗША могуць аказаць дапамогу ўкраінскім вайскоўцам, каб яны маглі забяспечыць мір», - сказаў ён. З ягоных слоў, ЗША могуць дапамагчы ўкраінскім вайскоўцам амуніцыяй, а таксама даць лёгкае ўзбраенне, каб украінцы маглі сябе абараніць.
Портман таксама мяркуе, што NАТO павінна актыўна працаваць ва Украіне. Ён паведаміў, што абмяркоўваў гэтыя пытанні сёння падчас сустрэч з прэм'ер-міністрам краіны Арсеніем Яцэнюком і в.а. міністра замежных спраў Андрэем Дзешчыцам.