Украіна на трэць павялічыла пастаўкі газу з Венгрыі

Аб'ём пакуль не дасягае максімальнай тэхнічнай магчымасці ў 16 млн кубаметраў прыроднага газу ў суткі.

Украіна з 24 траўня павялічыла сутачныя пастаўкі прыроднага газу з Венгрыі ў параўнанні з папярэднім днём на 30% - да 4,757 млн кубаметраў з 3,689 млн кубаметраў, паведамляе аператар венгерскай газатранспартнай сістэмы FGSZ Ltd. Сярэднясутачныя пастаўкі газу з 1 па 19 траўня складалі 22,5 тыс кубаметраў, аднак з 20 траўня пастаўкі павялічыліся да 2,5 млн кубаметраў, а 23 траўня сутачныя пастаўкі ўжо дасягнулі 3,689 млн кубаметраў, піша УНІАН.

У той жа час, дадзены аб'ём пакуль не дасягае максімальнай тэхнічнай магчымасці ў 16 млн кубаметраў прыроднага газу ў суткі.

Нагадаем, па словах кіраўніка НАК Нафтагаз Украіны Андрэя Кобалева, 14 траўня НАК падпісаў кантракт з буйной еўрапейскай кампаніяй, які дазволіць кардынальна павялічыць аб'ёмы рэверсу газу з тэрыторыі Венгрыі. Кіраўнік Нафтагаза адмовіўся паведаміць назву кампаніі, спасылаючыся на камерцыйную таямніцу.