Пётр Парашэнка набірае 54,05% пасля падліку траціны пратаколаў (Прамы эфір)
7- 26.05.2014, 8:02
- 21,833
Пётр Парашэнка перамагае на выбарах прэзідэнта Украіны ў першым туры.
Адпаведныя дадзеныя апублікаваныя на сайце ЦВК краіны раніцай 26 траўня, піша РБК.
Кандыдат у Прэзідэнты, пазафракцыйны нардэп Пётр Парашэнка набірае 54,05% галасоў выбаршчыкаў, па выніках апрацоўкі Цэнтральнай выбарчай камісіяй 32,57% пратаколаў. Пра гэта сведчаць апублікаваныя дадзеныя ЦВК.
За лідара партыі "Батькивщина", экс-прэм'ера Юлію Цімашэнка пры гэтым прагаласавалі 13,13%, за пазафракцыйнага нардэпа, лідара Радыкальнай партыі Алега Ляшко - 8,48%, за нардэпа, лідара партыі "Грамадзянская пазіцыя" Анатоля Грыцэнку - 5,52%, нардэпа Сяргея Цігіпку, які выйшаў з Партыі рэгіёнаў, - 5,08%, экс-губернатара Харкаўскай вобласці, члена Партыі рэгіёнаў Міхаіла Добкіна - 3,32%.
У нядзелю, 25 траўня, ва Украіне адбыліся пазачарговыя выбары прэзідэнта. У гэты ж дзень адбыліся выбары мэра Кіева і Кіеўрады, а таксама органаў мясцовага самакіравання ў некалькіх рэгіёнах краіны, у прыватнасці, у Адэсе, Нікалаеве, Херсоне і Чарнаўцах.
Згодна з вынікамі Нацыянальнага экзіт-полу, Пётр Парашэнка набраў 55,9% галасоў. Другое месца займае Юлія Цімашэнка, якая атрымала 12,19% падтрымкі. На трэцім месцы Алег Ляшко - 8%.
Анатоль Грыцэнка набраў 6,3%, Сяргей Цігіпка - 4,7%, Міхаіл Добкін - 2,1%.
Нацыянальны экзіт-пол праводзілі тры сацыялагічныя службы "Дэмініцыятывы", КМІС, Цэнтр Разумкова.