Бой у Данецку: стральба каля СБУ, выбухі ў аэрапорце
15- 28.05.2014, 13:37
- 38,599
Людзей просяць не выходзіць на вуліцу.
Украінскія сілавікі вядуць баі з захопнікамі Данецка ў цэнтры горада. У раёне будынка абласнога ўпраўлення СБУ па вуліцы Шчорса чутная стральба. Пра гэта паведамляе афіцыйны сайт мэра горада Аляксандра Лук'янчанкі.
Со стороны аэропорта сильные взрывы. На травматологии автоматная стрельба. Донецк
— Новости Донбасса (@novostidnua) 28 мая 2014
"Просім жыхароў навакольных дамоў не падыходзіць да вокнаў, не выходзіць на балконы і вуліцу без вострай неабходнасці, а таксама па магчымасці карэктаваць маршруты перамяшчэння ў дадзеным раёне", - гаворыцца ў паведамленні.
Біля донецького СБУ почалась стрілянина (оновлено): В районі будівлі Управління Служби безпеки України у Донец... http://t.co/z4XrfLrVWX
— ICTV channel (@ICTVchannel) 28 мая 2014
Па стане на 09:30 перакрытым для руху аўтатранспарту застаецца Кіеўскі праспект да перасячэння з праспектам Партызанскім.
Грамадскі гарадскі транспарт працуе ў штатным рэжыме. Некаторыя аўтобусы і тралейбусы ў сувязі з перакрыццем Кіеўскага праспекта ходзяць па скарочаных маршрутах:
- тралейбус маршруту № 10 - ад шахты ім. Горкага да праспекта Панфілава;
- аўтобус маршрутаў № 10 і № 73 ходзяць да праспекта Партызанскага;
- тралейбус маршруту № 18 не ходзіць.
У Кіеўскім раёне 28 траўня не працуюць гарадская лякарня № 18 і стацыянар Дзіцячай клінічнай бальніцы № 1 (пр. Кіеўскі, 61).
У Кіеўскім раёне не працуюць 9 агульнаадукацыйных школ: № № 23, 43, 56, 57, 58, 59, 65, 102, 117 (4013 вучняў). У Куйбышаўскім раёне не працуюць 5 агульнаадукацыйных школ: № № 21, 41, 50, 51, 74 (2082 вучняў).
Дзіцячыя дашкольныя ўстановы адкрытыя ва ўсіх раёнах горада для тых бацькоў, якія не могуць пакінуць дзяцей дома.
У 13:30 па мясцовым часе стральба ў цэнтры Данецка была спыненая.
"Па стане на 13.30 у Данецку ціха - стральбы ў раёне абласнога Упраўлення СБУ няма", - адзначылі ў прэс-службе мэрыі.
Акрамя таго, Данецкі гарсавет не пацвярджае інфармацыю аб перастрэлках у іншых раёнах горада і абвяргае інфармацыю аб захопе якіх-небудзь новых будынкаў.
Гарадскія ўлады звяртаюцца да жыхароў з просьбай "максімальна захоўваць спакой, не паддавацца паніцы і правакацыям" і давяраць толькі афіцыйнай інфармацыі.