Аўстралійскі дызайнер стварыла ідэальную жаночую сукенку
15- 28.05.2014, 16:27
- 40,182
"Ідэальную сукенку" ў Аўстраліі можна купіць за 299 даляраў.
Каб стварыць ідэальную сукенку дызайнер адзення Саша Дрэйк параілася са спецыялістамі па наборы персанала, аналітыкамі шлюбных агенцтваў і экспертамі па тэорыі колеру.
У выніку бардовая прыталеная сукенка да каленяў задаволіла ўсе патрабаванні спецыялістаў да ідэальнага ўбору, піша The DailyTelegraph.
Спецыяліст па тэорыі колеру, доктар Зэна О'Конар з Каледжа прыгожых мастацтваў адзначыла, што бардовы або цёмна-чырвоны - ідэальны варыянт для жанчыны, якая збіраецца на першае спатканне, піша korrespondent.net.
Гэты колер перадае ўпэўненасць, сілу і страсць, а гэта менавіта тое, што мужчынам часцей за ўсё падабаецца ў жанчынах, патлумачыла О'Конар.
"Чырвоны - колер рамантыкі, страсці, але больш цёмныя яго адценні змяняюць пасыл ад юрлівасці да надзейнасці", - дадала О'Конар.
Дыяна Кант, кансультант па стылі з вядомай аўстралійскай бізнес-школы для жанчын Джун Далі-Уоткінс Каледж, адзначыла, што створаная Дрэйк сукенка падкрэслівае жаночую фігуру ва ўсіх неабходных месцах і пры гэтым не выглядае задзірлівым.
"Кароткія рукавы хаваюць падпахі, сэрцападобны выраз дэкальтэ абрамляе твар і падкрэслівае грудзі, пры гэтым даўжыня да каленяў дадае элегантнасці і стрыманасці. Гэта сукенка нібыта абцякае цела, а не чапляецца за яго часткі", - патлумачыла Кант.