ХК «Данбас» можа пераехаць у Менск
9- 28.05.2014, 20:06
- 10,855
Хакейны клуб «Данбас» праз пажар на сваёй арэне можа з наступнага сезону праводзіць хатнія гульні ў Менску або Браціславе.
Пра гэта ў інтэрв'ю «Р-Спорт» заявіў прэзідэнт Кантынентальнай хакейнай лігі Аляксандр Мядзведзеў.
«Атака на палац не магла быць праведзена людзьмі, якія жывуць там і любяць хакей. Гэта ставіць пад пытанне правядзенне матчаў да стабілізацыі становішча. Яны выступілі з ідэяй праводзіць матчы ў іншых гарадах. Кажуць пра Браціславу і Менск. У якасці часовага захаду - чаму не? Тэлевізія ёсць, і заўзятары змогуць глядзець матчы», - сказаў Мядзведзеў.
Нагадаем, раней генеральны дырэктар КХЛ Дзмітрый Кубратаў заявіў, што праз пажар на арэне данецкі клуб могуць выключыць з Кантынентальнай лігі. Прэзідэнт «Данбаса» Барыс Калеснікаў паабяцаў аднавіць знішчаны баявікамі Палац спорту да пачатку верасня.
Фота: vseprosport.ru