Ля гарсавета Данецка прагрымеў выбух і пачалася перастрэлка
2- 5.05.2014, 9:48
- 7,570
У Данецку ля будынка гарадскога савета ў ноч на панядзелак адбылася перастрэлка.
Пра гэта паведамілі прадстаўнікі сепаратыстаў. Па іх словах, спачатку быў моцны выбух, а затым пачалася стральба, паведамляе руская служба "Радио Свобода".
Пра пацярпелых не паведамляецца.
Напярэдадні сепаратысты занялі будынкі ваеннай пракуратуры Данецка і Ленінскага раённага выканкама.
У сярэдзіне красавіка расейскія ўзброеныя баевікі захапілі адмінбудынкі ў шэрагу гарадоў Данецкай вобласці, а таксама ў Луганску. Баевікі выкрадаюць, катуюць і забіваюць людзей, захопліваюць закладнікаў. У прыватнасці, тэрарысты цалкам захапілі ўладу ў Славянску Данецкай вобласці. Акрамя таго, сепаратысты, якія падтрымліваюцца Расеяй, арганізуюць правакацыі і збіццё патрыятычна-настроеных грамадзян у Харкаве, Нікалаеве, Адэсе.
2 траўня ў раёне Славянска і Краматорска сіламі падраздзяленняў МУС, Нацгвардыі і арміі пачалася актыўная фаза антытэрарыстычнай аперацыі.