Масавыя затрыманні напярэдадні Чэмпіянату свету па хакеі
15- 6.05.2014, 8:55
- 19,421
Сёння пройдуць суды над актывістамі апазіцыі, затрыманымі ў Гомелі і Менску.
Пра гэта паведамляе прэс-служба «Маладога фронту».
«Сёння пройдуць суды над затрыманымі напярэдадні маладафронтаўцамі. У Гомелі будуць судзіць Андрэя Цянюту. У Менску Мікалая Дземідзенку будуць судзіць у Фрунзенскім раённым судзе, Міхаіла Муcкага i Змітра Крамянецкага - у судзе Ленінcкага раёна», - гаворыцца ў паведамленні.
Актывісты «Маладога фронту» былі затрыманыя ўчора ўвечары. Мікалай Дземідзенка і Міхаіл Мускі да суда ўтрымліваліся ў турме на вуліцы Акрэсціна, Зміцер Крамянецкі - у РАУС Ленінскага раёна, Андрэй Цянюта - у ІЧУ Гомеля.
Нагадаем, на працягу апошніх двух тыдняў каля 20 супрацоўнікамі міліцыі былі затрыманыя каля 20 актывістаў апазіцыі. Праваабаронцы звязваюць арышты з правядзеннем чэмпіянату свету па хакеі ў Менску.