Тымчук: Ва Украіну едуць экстрэмісты з Прыднястроўя і Крыма
4- 6.05.2014, 10:59
- 7,180
За апошнія трое сутак з тэрыторыі Прыднястроўя на тэрыторыю Украіны было перакінута да 250 «турыстаў Пуціна» і дыверсантаў.
Іх задача - працягваць дэстабілізаваць сітуацыю ў паўднёвых рэгіёнах нашай краіны. Пік дэстабілізацыі намечаны на 9 траўня. Пра гэта паведаміў кіраўнік Цэнтра ваенна-палітычных даследаванняў Дзмітрый Тымчук на сваёй старонцы ў «Фэйсбуку».
«Дадзеныя грамадзяне раней прыбывалі ў Прыднястроўе з Расеі пад кіраўніцтвам супрацоўнікаў ФСБ РФ, пра што на працягу сакавіка-красавіка інфармавала суполка Інфармацыйны супраціў. Украінскія спецслужбы прымаюць меры па нейтралізацыі дадзеных груп экстрэмістаў», - сказана ў паведамленні.
Таксама, па дадзеных Тымчука, у Адэскую вобласць працягваюць прыбываць экстрэмісты з Крыма, якія каардынуюцца расейскімі спецслужбамі.
«Паколькі сіламі Дзяржпамежслужбы Украіны на адміністрацыйнай мяжы АРК забяспечаны жорсткі кантроль грамадзян, якія ўязджаюць на мацярык, дыверсанты і правакатары змянілі тактыку. Яны, будучы грамадзянамі Украіны, якія пражываюць у Крыме і завербаванымі расейскімі спецслужбамі, заязджаюць на мацярык па адзіночцы або невялікімі групамі пад выглядам звычайных грамадзян. Дзейнічаючы ў цеснай каардынацыі з мясцовымі сепаратыстамі, зброю атрымліваюць на месцы. Украінскія спецслужбы таксама прымаюць меры па нейтралізацыі гэтых дыверсантаў», - адзначыў Тымчук.
Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый у гарадах усходніх абласцей Украіны.