Пратэст супраць агрэсіі: расейцы публічна спалілі свае пашпарты
9- 6.05.2014, 15:24
- 46,912
Муж і жонка з Расеі публічна спалілі свае пашпарты ў Львове, пратэстуючы супраць расейскай ваеннай агрэсіі.
Грамадзяне Расеі - Міра і Міхаіл Кузняцовы публічна спалілі свае расейскія пашпарты ў Львове на знак пратэсту супраць расейскай ваеннай агрэсіі на паўднёвым усходзе Украіны.
Як перадае карэспандэнт агенцтва "Інтэрфакс-Украіна", муж і жонка прыйшлі пад помнік Тарасу Шаўчэнку ў Львове, кінулі пашпарты грамадзян РФ у вядро, аблілі іх гаручым рэчывам і падпалілі.
"Гэта наш пратэст... Я адмаўляюся ад расейскага грамадзянства", - сказала Міра Кузняцова.
Паводле яе слоў, яны з мужам выехалі з Санкт-Пецярбурга, паколькі іх пераследавалі за палітычныя погляды. Муж і жонка плануюць заставацца ва Украіне і атрымаць украінскае грамадзянства.