Захопнікі Славянска мінуюць адміністрацыйныя будынкі
9- 7.05.2014, 12:51
- 9,478
Баевікі завозяць вялікую колькасць выбухоўкі ў будынкі Службы бяспекі Украіны, пракуратуры, міліцыі, гарвыканкам.
Пра гэта паведамляе прэс-служба МУС Украіны.
"Інфармацыя пра тое, што прарасейскія тэрарысты ноччу пачалі закладваць выбухоўку ў адміністрацыйныя будынкі Славянска, пакуль распаўсюджваецца сярод мясцовых жыхароў. Па словах мясцовых жыхароў, сепаратысты абмяркоўваюць паміж сабой, што, як толькі сілавікі пачнуць чарговы наступ, адміністрацыйныя будынкі ў горадзе будуць узарваныя", - гаворыцца ў паведамленні.
У міліцыі заявілі, што сепаратысты дзейнічаюць так, каб потым абвінаваціць у выбухах украінскую ўладу, па сцэнары Абхазіі.
Нагадаем, 5 траўня ў ходзе правядзення антытэрарыстычнай аперацыі пад Славянскам загінулі чатыры чалавекі з боку сіл МУС, каля 30 параненых. Украінскім сілавікам супрацьстаялі каля 800 баевікоў. Але праціўнік панёс сур'ёзныя страты - дакладная колькасць забітых баевікоў удакладняецца. 4 траўня ўкраінскія сілавікі знішчылі 17 тэрарыстаў.
Па дадзеных МУС, учора ў Славянску былі знішчаныя яшчэ каля 30 узброеных тэрарыстаў. Агульная колькасць загінулых украінскіх вайскоўцаў, супрацоўнікаў СБУ і МУС за ўсе дні аперацыі складае 12 чалавек.
Баевікі распачалі некалькі спроб вырвацца з акружэння.
Фота: AP