Батальён «Майдан» будзе абараняць Кіеў ад дыверсантаў

Структура батальёна будзе аналагічная структуры вайсковага падраздзялення.

Цэнтральная рада сотняў Майдана абвясціў аб стварэнні аб'яднанага батальёна «Майдан», заявіў прадстаўнік Кантрольна-рэвізійнай групы рады майдана «Спартак».

«Гэты батальён будзе створаны на базе сотняў, якія цяпер знаходзяцца на тэрыторыі Майдана і трымаюць абарону намётавага мястэчка. Менавіта гэтыя сотні і цяпер з'яўляюцца гарантам бяспекі для кіян і гасцей сталіцы», - сказаў ён у сераду, 7 траўня, у Кіеве.

Як адзначыў актывіст, асноўныя задачы батальёна будуць фармавацца ў адпаведнасці з «Законам аб мабілізацыі». Цяпер вядзецца праца над тым, як дзеянні батальёна будуць каардынавацца з Міністэрствам абароны для забеспячэння зладжанай працы, а таксама для выканання распараджэнняў міністэрства, піша «Корреспондент».

Структура батальёна будзе аналагічная структуры вайсковага падраздзялення і будзе ўключаць камандзіра батальёна, штаб, роту тэхнічнага забеспячэння, баявыя роты, шпіталь.

«Мэтай - выкананне баявых задач, у тым ліку тых, якія адбываюцца за межамі Кіева, у гарачых кропках Украіны», - адзначыў актывіст.