Помнік савецкаму салдату ў Расеі выкінулі на сметнік дзеля шашлычнай

У Кіраўскай вобласці Расеі выкінулі на сметнік помнік салдатам Чырвонай арміі.

Пра гэта паведамляе блогер skosolapoff.

«Сёння я адчуў сапраўдны шок! Пакуль усе назіраюць за тым, што адбываецца на Украіне, у нас саміх дома дзеюцца дзікія рэчы! Кіраўская вобласць зноў праславілася на ўсю Расею! У ёй здзейснены акт нечакана дзёрзкага, цынічнага і гідкага вандалізму, які абразіў усіх расейскіх людзей, разам узятых... Напярэдадні самага святога для многіх свята - дня вялікай перамогі, адзінага, па сутнасці, які святкуюць усе без выключэння, ад малога да вялікага, незалежна ад нацыянальнай прыналежнасці або палітычных поглядаў, у вёсцы Салтыкоў проста так, сярод белага дня, мэтанакіравана, узялі і знішчылі помнік савецкаму воіну», - піша блогер.

Паводле яго слоў, у рамках праекта падтрымкі мясцовых ініцыятыў вырашылі яшчэ год таму ўвекавечыць прозвішчы герояў-воінаў побач з гэтым помнікам. 

«Сабралі грошы, што вельмі цяжка ў наш час для вяскоўцаў, і недалёка ад дзейнага помніка савецкаму воіну адкрылі памятную сцяну. Вядома, як належыць, адкрылі свята самыя важныя асобы - важныя кіраўнікі раёна і пасялення, запрасілі ветэранаў, Пафоткалісь і шмат пагаварылі пра доўг. А стары помнік, які нават на аватарке групы ў Одноклассниках, велічна назіраў за ўшанаваннем памяці ваяроў, якія змагаліся. Савецкі салдат нават не думаў, што вераломныя чынушы і дзялкі ўжо спланавалі яго «забойства», - піша блогер.

Зямля, на якой быў усталяваны савецкі салдат-вызваліцель, муніцыпальная, стаіць побач з прыбытковым кафэ для дальнабояў, гаспадары якога, па словах мясцовых жыхароў, даўно марылі паставіць побач летнюю тэрасу пад шашлычку.

Вось толькі помнік ім, мабыць, вельмі перашкаджаў.

«У выніку сёння, пасярод белага дня, прыехалі вандалы, перакулілі помнік і вывернулі пастамент, самазвалам павезлі за горад Слабадскі на пілараму і скінулі ў забалочаны яр, - адзначае блогер. - Кіроўцу самазвала даволі хутка знайшлі. Ён сказаў, што ўсяго толькі выконваў распараджэнне... кіраўніка сельскага паселішча... А вы кажаце патрыятызм! Свінства і блюзнерства! Толькі мы з вамі можам прымусіць гэтых вандалаў адказаць за сваю чорную справу!»