Станцыя метро ў Кіеве зачынена праз падазроны прадмет

У Кіеве міліцыя закрыла станцыю метро «Арсенальная» праз выяўленне ў метрапалітэне невядомага падазронага прадмета.

Пра гэта паведамляе «Громадське ТВ».

На месцы працуюць эксперты МУС. Плошча ля ўваходу ў падземку агароджаная.

Уладальнікаў бліжэйшых кавярняў і крам праваахоўнікі папрасілі часова закрыць установы.