Марыупаль застаўся без вады
1- 9.05.2014, 21:16
- 6,253
Праз дзве гадзіны водазабеспячэнне горада будзе адноўлена ў нармальным рэжыме, запэўніваюць гарадскія ўлады.
Пасля таго, як у Марыупалі Данецкай вобласці папаўзлі чуткі пра тое, што ўзброеныя людзі падарвалі помпы, якія падаюць ваду ў горад, з-за панікі сярод насельніцтва ў горадзе павялічыўся попыт на ваду ў два разы, што стала прычынай адсутнасці вады ў кранах, паведамляе гарадскі партал 0629.
«Помпы проста не спраўляліся», - паведаміў кіраўнік прэс-службы гарадской рады Алег Калінін.
Як паведамляе выданне, гарадскія ўлады абверглі інфармацыю аб выбуху помпаў.
У Гарводаканале запэўнілі, што ўжо праз дзве гадзіны водазабеспячэнне горада будзе адноўлена ў нармальным рэжыме. Там таксама распавялі, што ніякіх дыверсій на вадаводзе не было - гэта проста чуткі.
Раней шэраг СМІ паведамілі, што ў Марыупалі ў пятніцу была падарваная воданапорная вежа, аднак гэтая інфармацыя не знайшла пацвярджэння.