Гурт «Наив» выступіць у Менску з новай праграмай

Расейскі панк-рок гурт «Наив» выступіць у Менску 7 лістапада ў клубе Re:Public.

Вялікі канцэрт расейцаў прысвечаны 25-годдзю гурта і выпуску новага альбома, піша ultra-music.com.

Праіснаваўшы 20 гадоў, у 2008 годзе гурт «Наив» сышоў у бестэрміновы творчы адпачынак, развітаўшыся з прыхільнікамі маштабным усерасейскім турам. За час гэтага адпачынку ўдзельнікі калектыву актыўна займаліся сольнымі праектамі, але ў пачатку 2013 года гурт «Наив» абвясціў пра ўз'яднанне.

- За тыя некалькі гадоў , што мы займаліся іншымі сваімі праектамі, з'явілася магчымасць паглядзець з боку на ўсё тое, што мы рабілі разам у «Наиве», - кажа барабаншчык і дырэктар гурта Дзмітрый «Snake» Хакімаў. - У нас былі розныя часы. Але ўсё гэта было выдатна! На рэпетыцыях мы адчуваем сябе лепш, чым калі б там ні было. Я ўпэўнены, што мы даставім нашым прыхільнікам масу незабыўных уражанняў!

Першае выступленне гурта пасля ўз'яднання адбылося ў Маскве, а затым «Наив» адправіліся ў вялікае турнэ. Завяршыўшы маштабныя гастролі, гурт прыняўся за працу над новай праграмай, якая будзе прэзентаваная восенню гэтага года.

- У цяперашні час гурт «Наив» знаходзіцца ў стадыі актыўнай працы над новым матэрыялам. Зразумела, падчас творчага адпачынку кожны з нас не пераставаў складаць. Паступова афармляюцца новыя песні, ужо адрэпетаваныя некалькі твораў. Наш сумесны творчы працэс знаходзіцца ў разгары, і мы шмат рэпетуем, - адзначаюць удзельнікі групы.

Акрамя новых твораў, музыкі рыхтуюць публіцы спецыяльны сюрпрыз - вялікае шоў са спецэфектамі і дэкарацыямі.