Часопіс Empire назваў лепшы ў гісторыі кіно фільм

Каб доўга не спрачацца, які фільм з'яўляецца лепшым з лепшых, папулярны часопіс Empire вырашыў наўпрост спытаць пра гэта ў сваіх чытачоў.

Было праведзена галасаванне, па выніках якога пальма першынства дасталася карціне "Зорныя войны: Эпізод 5", другое і трэцяе месцы заваявалі "Хросны бацька" і "Цёмны рыцар" адпаведна, чацвёртае месца ва "Уцёкаў з Шоўшэнка", пятае ў "Крымінальнага чытва".

У апытанні паўдзельнічалі 250 тыс. чалавек, а выбар ім трэба было рабіць са спісу ў 301 кінакарціну, піша БелТА.

Сімвалічна, што пяты эпізод "Зорных войнаў" завецца "Імперыя наносіць зваротны ўдар" (Star Wars Episode V: The Empire Strikes Back). Гэта значыць, у ім заключаная назва часопіса - Empire.

У дзксятку лепшых трапіў таксама шосты эпізод "Зорных войнаў", які называецца "Вяртанне Джэдая", ён размясціўся на шостым радку. У дзесятку лепшых таксама ўвайшлі такія легендарныя фільмы, як "Уладар кольцаў: Братэрства кальца", "Сківіцы", "Індыяна Джонс: У пошуках страчанага каўчэга", "Пачатак".

Рэжысёры Крыстафер Нолан ("Цёмны рыцар", "Пачатак") і Стывен Спілберг ("Сківіцы", "Індыяна Джонс") засвяціліся ў дзесятцы лепшых па два разы. Гледачы не раз галасавалі за фільмы гэтых рэжысёраў і кашальком. Так, Крыстафер Нолан з'яўляецца рэжысёрам, два фільма якога сабралі ў пракаце больш за $1 млрд. А Стывен Спілберг - рэжысёр 20 карцін, якія ў суме сабралі ў пракаце $8,4 млрд.

Empire - часопіс пра кіно, які выходзіць штомесяц у Вялікабрытаніі ўжо 25 гадоў, з 1989 года. Выданне належыць нямецкай Медыягруп Bauer і выходзіць таксама ў Расеі, Аўстраліі і Турцыі. У Туманным Альбіёне часопіс кожны год уручае кінапрэмію Empire Awards, уладальнікаў якой вызначаюць чытачы Empire.