Баі на мяжы Ірака і Сірыі: ісламісты захапілі КПП

Баевікі-суніты ў Іраку захапілі памежны кантрольна-прапускны пераход на мяжы з Сірыяй.

Падчас сутыкнення загінулі 30 чалавек, паведамляе: Аssociated Рress.

Захоп памежнага пункта дазволіць падраздзяленням баевікоў з цяжкім узбраеннем бесперашкодна пераходзіць мяжу. Напад быў здзейснены ў прыгранічнага горада Эль-Кайм, які размешчаны ў 400 кіламетрах на паўночны захад ад сталіцы Багдада ў правінцыі Анбар. Бой за мытны і памежны пункт доўжыўся амаль дзень і ноч.

У горада Таль-Афар на паўночным захадзе Ірака таксама працягваюцца баі з ісламісцкімі баевікамі. Сутыкненні ў ваколіцах гэтага населенага пункта ідуць з нядзелі. У панядзелак баевікам атрымалася ўвайсці ў горад. Таль-Афар мае стратэгічнае значэнне. Баевікі джыхадзісцкай групоўкі "Ісламская дзяржава Ірака і Леванта" (ISIS) спрабуюць узяць над ім кантроль, таму што горад адкрывае шлях у Сірыю, паведамляе BBC.

Акрамя таго, працягваюцца баі побач з горадам Байджы, дзе баевікі аблажылі найбуйнейшы нафтаперапрацоўчы завод Ірака. Вытворчасць спынена, жыхары іншых рэгіёнаў краіны ў паніцы скупляюць паліва.

Групоўка "Ісламская дзяржава Ірака і Леванта" пры падтрымцы суніцкіх плямёнаў, а таксама былых вайскоўцаў з арміі Садама Хусэйна змагла за тыдзень захапіць раён у Іраку, які ўключае правінцыю Найнава з другім паводле значэння ў краіне горадам Масул, а таксама частку правінцыі Салах-эд-Дзін . Іракскія ўлады называюць тое, што адбываецца, вылазкай тэрарыстаў, у той час як шэраг арабскіх краін і арганізацый назвалі гэта абвастрэннем міжканфесійнага супрацьстаяння. Іракскія ўлады звярнуліся да ЗША па дапамогу ў супрацьстаянні з ІДзІЛ і яе прыхільнікамі.