МЗС Украіны: Перамоваў з сепаратыстамі не было

У Данецку ўчора праходзілі не перамовы, а сустрэча ў рамках працэсу ўрэгулявання канфлікту на ўсходзе Украіны.

Пра гэта паведаміў намеснік міністра замежных спраў Даніла Лубкіўскі ў аўторак, 24 чэрвеня, паведамляе ЛІГАБізнесІнформ.

“Учора ў Данецку не было ніякіх перамоваў - гэта была сустрэча, якая з'яўляецца часткай працэсу ўрэгулявання. У сустрэчы бралі ўдзел прадстаўнік прэзідэнта Украіны экс-прэзідэнт Украіны Леанід Кучма. Усе вынікі і вынікі гэтага працэсу стануць вядомыя бліжэйшым часам”, - паведаміў Лубкіўскі.

Каментуючы ўдзел у гэтай сустрэчы амбасадара РФ Міхаіла Зурабава, Лубкіўскі сказаў: “Удзел амбасадара Расейскай федэрацыі ў працэсе мірнага ўрэгулявання з'яўляецца важным. У гэты ж час, рамкі гэтага ўдзелу ў нашым разуменні абмяжоўваюцца тым, што павінна зрабіць РФ для мірнага ўрэгулявання. У прыватнасці, дыстанцыявацца ад тэрарыстаў, задзейнічаць увесь неабходны ўплыў для таго, каб тэрарысты склалі зброю, а расейскія баевікі пакінулі тэрыторыю Украіны”, - сказаў ён.

Нагадаем, у панядзелак, 23 чэрвеня, у Данецку адбылося пасяджэнне Трохбаковай кантактнай групы ў рэалізацыі мірнага плана прэзідэнта Украіны, у якім узялі ўдзел амбасадар РФ ва Украіне Міхаіл Зурабаў, прадстаўнік дзейнага старшыні АБСЕ Хайдзі Тальявіні, экс-прэзідэнт Украіны Леанід Кучма, а таксама прарасейскія палітыкі Віктар Медведчук, Алег Цароў, і лідары самаабвешчаных ДНР і ЛНР.

У выніку сустрэчы бакі дамовіліся аб двухбаковым спыненні агню на Данбасе да раніцы пятніцы, 27 чэрвеня.