Заўзятар здабыў тысячу даляраў, зрабіўшы стаўку на ўкус Суарэса
6- 25.06.2014, 10:14
- 16,115
Нарвежскі заўзятар зрабіў стаўку на тое, што нападнік зборнай Уругвая ўкусіць каго-небудзь падчас матчу.
Нарвежскі заўзятар Томас Сіверс здабыў 5600 крон (амаль адну тысячу даляраў), зрабіўшы стаўку на тое, што нападнік зборнай Уругвая Луіс Суарэс укусіць каго-небудзь падчас матчу 3-га тура ЧС-2014 з Італіяй (1:0), паведамляе Aftenposten.
Букмекеры ацэньвалі выйгрыш з імавернасцю 175 да 1, у той час як стаўка Сіверса складала 32 кроны.
У выніку Суарэс укусіў абаронцу «скуадры адзуры» Джорджа Кьеліні, і 23-гадовы заўзятар зарабіў 5,6 тысячы крон, піша by.tribuna.com.
Адзначаецца, што Сіверс не толькі робіць стаўкі, але і гуляе ў покер.
Нагадаем, ФІФА распачала дысцыплінарную справу ў дачыненні да Суарэса.
Фота: Getty Images