Пётр Парашэнка: Украінская мова застанецца адзінай дзяржаўнай мовай
16- 25.06.2014, 12:39
- 17,731
Мясцовыя суполкі будуць мець поўнае права выкарыстоўваць ўсе іншыя, у тым ліку расейскую мову.
Пра гэта заявіў прэзідэнт Украіны Пётр Парашэнка, піша «Інтэрфакс».
«Адзінай дзяржаўнай, канстытуцыйнай мовай Украіны была, ёсць і будзе ўкраінская мова», - заявіў ён.
Паводле ягоных слоў, дэцэнтралізацыя ўлады будзе тычыцца і моўнай і культурнай сфер.
«Мясцовыя суполкі будуць мець поўнае права выкарыстоўваць усе іншыя, у тым ліку расейскую мовы, нароўні з украінскай», - падкрэсліў кіраўнік украінскай дзяржавы.
Нагадаем, 8 чэрвеня падчас сваёй інаўгурацыйнай прамовы Парашэнка распавёў пра свае галоўныя мэты на пасадзе прэзідэнта. У прыватнасці, ён адзначыў, што Украіна была і застанецца ўнітарнай дзяржавай з адзінай дзяржаўнай мовай - украінскай.
Ён таксама заявіў, што Крым заўсёды будзе ўкраінскім і абавязкова вернецца ў склад Украіны.
Фота: EPA