«Астана» перавяла Брэсана ў дубль

Беларускі паўабаронца «Астаны» Рэнан Брэсан пераведзены ў дублюючы склад клуба.

Пра гэта паведамляе Sports.kz.

Брэсан ніяк не мог заваяваць давер трэнерскага штаба «Астаны». Не змянілася сітуацыя і з прыходам новага галоўнага трэнера Станіміра Стаілава. Бразілец не трапіў у заяўку матчу з «Іртышом», а затым быў пераведзены ў дубль. Не выключана, што ў бліжэйшы час кіраўніцтва «Астаны» адмовіцца ад паслуг Брэсана.

Раней агент паўабаронцы Валерый Ісаеў заявіў, што Брэсан будзе выступаць у іншым клубе.

Раней паведамлялася аб тым, што Брэсан з'яўляецца самым высокааплатным футбалістам вышэйшай лігі Казахстана. У гэтым сезоне Брэсан 6 разоў з'явіўся на поле ў складзе «Астаны» і забіў 1 мяч.