Сямашка будзе ствараць «брыгады якасці»

Яны павінны будуць параўноўваць якасць беларускай і імпартнай прадукцыі.

Першы намеснік прэм'ер-міністра Беларусі Уладзімір Сямашка прапанаваў стварыць «брыгады якасці», у якія ўвайшлі б спецыялісты Дзяржстандарта, Нацыянальнай акадэміі навук, Мінсельгасхарча, Мінпрама і іншых зацікаўленых ведамстваў. Пра гэта гаварылася сёння на сумеснай калегіі Мінпрама, Мінсельгасхарча і Дзяржстандарту якасці. Пра гэта паведаміў прэс-сакратар Міністэрства прамысловасці Сяргей Шалай, піша БелТА.

«Так званыя брыгады якасці правялі б параўнальны аналіз імпартнай і айчыннай тэхнікі і паказалі б, якія праблемы ўзнікаюць, якое выйсце можа быць ў іх развязанні», - сказаў першы віцэ-прэм'ер.

Ён звярнуў увагу, што сукупнасцю характарыстык «якасць-сэрвіс» прадукцыя беларускіх машынабудаўнікоў карыстаецца заслужаным попытам на традыцыйных рынках збыту. «Дзве траціны вырабленай прамысловай прадукцыі мы пастаўляем на экспарт. Неканкурэнтназдольную прадукцыю прадаць на сусветных рынках было б немагчыма, - адзначыў Уладзімір Сямашка. - Значыць, тэхнічнаю характарыстыкаю, якасцю і цаною яна задавальняе спажыўцоў».

З 2005 па 2013 айчынныя прампрадпрыемствы рэалізавалі прадукцыі сельскагаспадарчага машынабудавання на $22,3 млрд, у тым ліку на ўнутраным рынку - на $6,8 млрд. Гэта сведчыць аб тым, што ў Беларусі навучыліся не толькі рабіць, але і прадаваць тэхніку, мяркуе першы віцэ-прэм'ер.

Тым не менш задача ў павышэнні якасці прадукцыі з беларускіх машынабудаўнікоў не здымаецца, што адлюстравана ў пастанове ўрада Беларусі ад 16 чэрвеня 2014 г. № 578 «Аб якасці тэхнічна складаных тавараў».