Саміт ЕЗ заўтра прыме пастанову аб санкцыях супраць Расеі
4- 26.06.2014, 18:53
- 6,336
Пастанова аб мэтазгоднасці ўвядзення новых санкцый супраць РФ будзе прынятая на саміце ЕЗ 27 чэрвеня.
Пра гэта паведаміла ў чацвер канцлер ФРГ Ангела Меркель, піша «Інтэрфакс».
«Прагрэс у справе ўрэгулявання сітуацыі ва Украіне цяпер не такі відавочны, як хацелася б», - заявіла яна на сустрэчы з кіраўніцтвам Еўрапейскай народнай партыі ў Бельгіі.
Канцлер адзначыла, што пастанова аб тым, наколькі далёка ЕЗ варта пайсці ў пытанні санкцый, будзе прымацца з улікам дакладу прэзідэнта Украіны Пятра Парашэнкі.
Яна нагадвае, што на саміце ЕЗ у Брусэлі будзе падпісаная эканамічная частка пагаднення аб асацыяцыі Украіны з Еўразвязам, а прэзідэнт Украіны праінфармуе Раду ЕЗ аб сітуацыі ў ягонай краіне.
Пасля гэтага кіраўнікі дзяржаў і ўрадаў 28 краін-удзельніц сустрэчы прымуць пастанову аб тым, ці варта ўвесці эканамічныя санкцыі супраць Расеі.