Колькі беларусы будуць плаціць за «камуналку»?

Беларусаў хутка чакаюць новыя тарыфы на «камуналку».

На думку Міністэрства фінансаў, з мэтай ліквідацыі перакрыжаванага субсідзавання варта ўстанавіць на ўзроўні, які забяспечвае поўнае пакрыццё эканамічна абгрунтаваных выдаткаў: з 1 студзеня 2015 года - тарыфы на паслугі па зборы, вывазу і абясшкоджванні цвёрдых камунальных адходаў, а таксама па карыстанню ліфтам; з 1 студзеня 2016 года - тарыфы на паслугі па водазабеспячэнню, водаадвядзенню (каналізацыі), гаворыцца ў артыкуле, апублікаваным у часопісе «Финансы, учет, аудит».

- Гэта проста працоўны момант з пасяджэння міжведамаснай камісіі, - растлумачылі «Комсомольской правде в Беларуси» у прэс-службе Мінфіна. - На такіх пасяджэннях адбываецца абмен думкамі, і некаторыя з іх выкладзеныя ў дадзеным артыкуле. Павелічэнне тарыфаў - гэта проста наша прапанова, якая ў выніку можа быць як прынятая, так і адхіленая.

Тым не менш газета вырашыла падлічыць, на колькі можа падаражэць камуналка для беларусаў, калі прапанову ведамства ўсё ж такі ўхваляць. Нагадаем, з пачатку гэтага года некаторыя максімальныя тарыфы ўстанаўліваюць выканкамы, таму кошт адной і той жа паслугі можа адрознівацца ў розных рэгіёнах. Дарэчы, за вываз і перапрацоўку смецця мы плацім па поўных тарыфах ужо цяпер. Зноў жа, у розных абласцях кошт адрозніваецца: напрыклад, у Менску за смецце трэба плаціць 39 702 рубля за кубаметр, а ў Брэсце - 55 070 рублёў.

Дарэчы, тарыфы на камуналку індэксуюць чатыры разы на год у залежнасці ад таго, павялічылася сярэдняя зарплата ў краіне за папярэдні квартал ці не. У чарговы раз тарыфы павінны былі пералічыць 1 чэрвеня. Аднак у першым квартале нашы зарплаты зменшыліся прыблізна на 63 тысячы, а значыць, тарыфы застаюцца ранейшымі як мінімум да 1 верасня.

ЛІЧЫЛКА «КП»

РАЗАМ: менш за ўсё жыроўка пацяжэе ў Магілёўскай вобласці (прыкладна на 8,4 тысячы рублёў), больш за ўсё - у Менскай (прыкладна на 16,6 тысячы).

ЛІЧЫЛКА « КП»

З разліку на сям'ю з двух чалавек, якія выдаткавалі за травень 18 кубаметраў вады.

РАЗАМ: танней за ўсё поўны кошт вады абыйдзецца жыхарам Магілёўскай вобласці (жыроўка падаражэе на 77 тысяч), а даражэй за ўсё - жыхарам Віцебскай і Гомельскай абласцей (прыкладна на 94,8 тысячы рублёў).