БТ скардзіцца: Невядомыя спрабуюць забагацець на праекце «Хачу ў тэлевізар!»
- 30.06.2014, 15:36
- 9,339
У сацыяльных сетках наважылі разыграць прапагандысцкае ТВ.
Невядомыя спрабуюць забагацець на новым тэлепраекце «Хачу ў тэлевізар!», паведамілі ў прэс-службе Белтэлерадыёкампаніі.
У сацыяльнай сетцы «Вконтакте» невядомыя асобы, выкарыстоўваючы назву новага арыгінальнага праекта Белтэлерадыёкампаніі «Хачу ў тэлевізар!», які выходзіць на тэлеканале «Беларусь 2», прапануюць за матэрыяльнае ўзнагароджанне здымкі ў праграме.
«Звяртаем вашу ўвагу, што Белтэлерадыёкампанія не мае ніякага дачынення да гэтай дзейнасці. Калі вы ці вашы блізкія, сябры, сваякі сталі ахвярай падману, звяртайцеся ў праваахоўныя органы», - адзначылі ў прэс-службе.
Удзел у арыгінальным праекце «Хачу ў тэлевізар!» бясплатны. Гледачы дасылаюць сваё відэа ці прыходзяць на запіс у студыю на Макаёнка, 9.