Улады Азербайджана забаранілі падвойнае грамадзянства

За ўтойванне будзе ўведзена крымінальная адказнасць.

Прэзідэнт Азербайджана Ільхам Аліеў выдаў указ аб прымяненні ў закон «Аб грамадзянстве Азербайджанскай Рэспублікі» паправак, згодна з якім асобы, якія прынялі грамадзянства іншай дзяржавы, будуць пазбаўленыя азербайджанскага грамадзянства, паведамляе «Інтэрфакс».

Больш за тое, згодна з папраўкамі, у выпадку калі грамадзянін Азербайджана прыме замежнае грамадзянства, ён будзе абавязаны цягам месяца паведаміць пра гэта адпаведным інстанцыям. За ўтойванне будзе ўведзена крымінальная адказнасць.

Між тым дзіця, якое нарадзілася на тэрыторыі краіны, будзе ўважацца за грамадзяніна Азербайджана ў тым выпадку, калі абодва з ягоных бацькоў не маюць грамадзянства. Калі адзін з бацькоў з'яўляецца азербайджанцам, дзіця не атрымае грамадзянства краіны.