Луцэнка: Тэрарысты - гэта лялькі, паслухмяныя найміты Крамля
33- 12.07.2014, 9:21
- 15,669
Расейскія тэрарысты не могуць быць адной са старон перамоваў ва ўрэгуляванні сітуацыі на Усходзе Украіны, паколькі яны толькі найміты Пуціна.
Такое меркаванне выказаў у пятніцу вечарам у эфіры праграмы «Шустэр.live» лідар руху «Трэцяя Украінская Рэспубліка», дарадца прэзідэнта Украіны Юрый Луцэнка, паведамляе Укрінформ.
«Мы маем справу не з войскамі, мы маем справу з бандытамі і тэрарыстамі, якія добра абучаны і не маюць ніякіх маральных ці палітычных бар'ераў. Таму мы не можам з імі весці перамовы, яны не адказваюць за свае словы. Яны - .. ніхто, яны - лялькі, яны - паслухмяныя найміты Крамля», - адзначае ён.
Пры гэтым на перамовах абавязкова павінен быць сам Уладзімір Пуцін.
«І разам з Захадам Украіна зможа прымусіць Пуціна адвесці сваіх тэрарыстаў назад, і гэта прадмет перамоў. Прычым выбар у Пуціна вельмі просты: .. ці адклікаць Гіркіна-Стралкова, Барадая і іншых дыверсантаў - грамадзян Расейскай Федэрацыі, або атрымаць іх дадому ў трунах. Трэцяга варыянту не існуе», - падкрэсліў ён.