Мінсувязі даручыла «Белпошце» разабрацца з чэргамі

З 21 ліпеня ў пунктах «Белтэлекама» аднаўляецца прыём ад насельніцтва плацяжоў за паслугі электрасувязі.

Пра гэта паведаміла намесніца міністра сувязі і інфарматызацыі Інэса Канцавая 10 чэрвеня на нарадзе ва ўрадзе ў развіцці Адзінай інфармацыйнай разліковай прасторы (АРІП), пішуць «Беларускія навіны».

«Белтэлекам» спыніў прыём плацяжоў за паслугі электрасувязі, у тым ліку, за некаторыя папулярныя паслугі, якія аказвае сам «Белтэлекам», 1 траўня гэтага года. Такая пастанова грунтавалася на рэкамендацыях Міністэрства сувязі ў развіцці безнаяўных плацяжоў, аднак выклікала шматлікія скаргі з боку насельніцтва.

Як было адзначана на нарадзе, апошнім часам узрасла колькасць нараканняў грамадзян на працу аддзяленняў «Беларусбанка» і аддзяленняў паштовай сувязі ў прыёме плацяжоў за наяўны разлік, а таксама збояў у працы сістэмы АРІП, што прывяло да стварэння чаргі, асабліва ў перыяд масавых плацяжоў за жыллёва-камунальныя паслугі.

Паводле статыстыкі, больш за 75% плацяжоў ажыццяўляюцца праз касы і дыстанцыйныя сэрвісы розных банкаў і каля 25% - праз аддзяленні паштовай сувязі. Пры гэтым больш за 70% усіх плацяжоў ажыццяўляецца за наяўны разлік і толькі 30% - праз каналы дыстанцыйнага банкаўскага абслугоўвання.

Урадам даручана зацікаўленым дзяржаўным органам да канца ліпеня прыняць дадатковыя меры ў выключэнні выпадкаў стварэння чэргаў пры аплаце паслуг, у тым ліку, ў павелічэнні колькасці пунктаў прыёму плацяжоў ад насельніцтва, а таксама колькасці аператараў у аддзяленнях «Беларусбанка» і паштовай сувязі, якія ажыццяўляюць прыём наяўных плацяжоў.

Таксама даручана забяспечыць шырокае асвятленне і інфармаванне насельніцтва аб магчымасцях сістэмы АРІП і перавагах выкарыстання тэхналогій безнаяўнай аплаты жыллёва-камунальных і іншых паслуг, у тым ліку праз інтэрнэт.