Па вуліцах Баранавічаў ездзіць залаты BMW
59- 12.07.2014, 16:02
- 50,770
На дарогах Баранавічаў з'явілася незвычайнае аўто.
Залаты BMW не можа не прыцягваць увагу. Камусьці аўтамабіль падабаецца, камусьці здаецца не эстэтычным, паведамляе intex-press.by.
Прадпрымальнік Алег, які з'яўляецца гаспадаром аўтамабіля, прызнаўся: на стварэнне такога вобразу яго натхніў скандальны маскоўскі журналіст Эрык Кітуашвілі (вядомы ў блогасферы як Эрык Давідыч), які дамагаецца справядлівасці на дарозе, выводзіць на чыстую ваду «пярэваратняў у пагонах» і дапамагае органам ДПС лавіць парушальнікаў.
Варта сказаць, што апошнім часам у свеце «залатыя» аўто сталі папулярнымі сярод аўтааматараў. У лік краін, дзе такія аўтамабілі карыстаюцца попытам, уваходзяць Японія, Нямеччына, ЗША і Арабскія Эміраты.