Рынат Ахметаў цаляе на рынак інтэрнэт-тэлевізіі

«Медыя Група Украіна», што належыць алігарху Рынату Ахметаву, выходзіць на новы для яе рынак інтэрнэт-тэлевізіі.

IPTV сэрвіс, які дазваляе глядзець лічбавае ТВ з дапамогай інтэрнэт-канала, стане даступны інтэрнэт-абанентам Укртэлекама і Вега. Пра гэта ЛІГАБізнесІнформ у інтэрв'ю паведаміў сябра назіральнай рады «Медыя Група Украіна» Фёдар Агаркаў.

«Гэта «скрынкавае развязанне», якое з'явіцца ў пунктах продажаў Укртэлекама 15 ліпеня, - распавёў ён. - Наш прадукт - гэта сэт-топ-бокс з выхадам у інтэрнэт і тэлевізару. Для якаснай і бесперабойнай працы досыць хуткасці ў 3-5 мегабіт».

Сэт-топ-бокс - прыбор, які будзе перадаваць сігнал ад правайдэра да тэлевізара. Сэрвіс пачне працу пад ужо існым брэндам Oll.tv, які ўваходзіць у МГУ. Гэты інтэрнэт-рэсурс быў створаны ў 2012 годзе для прагляду ліцэнзійнага відэа-кантэнту.

У МГУ спадзяюцца, што за кошт сінэргіі Oll.tv і Укртэлекама ім атрымаецца павялічыць колькасць карыстальнікаў. Цяпер Укртэлекам найбуйнейшы інтэрнэт-правайдэр ва Украіне ў яго амаль 1,6 млн абанентаў. «Мы плануем цягам трох гадоў ахапіць больш за мільён абанентаў» - распавёў аб планах Агаркаў.

IPTV-тэлевізія ад «Медыя Група Украіна» будзе каштаваць ад 38 да 159 грыўняў у месяц. Стандартны пакет (79 грн) будзе даваць доступ да 130 каналаў і значанай часткі відэаархіва Oll.tv. Для параўнання цяпер Воля прапануе паслугу IPTV тэлевізіі ад 30 грн/мес. У пакет уваходзяць 175 каналаў, праўда, у адрозненне ад прапановы Oll.tv за арэнду абсталявання давядзецца плаціць асобна - 10-12 грн у месяц.

Цяпер група валодае ліцэнзіяй для вяшчання на 60% тэрыторыі Украіны. У МГУ таксама плануюць займець і астатнія 40%, але, са слоў Агаркава, гэты працэс можа зацягнуцца праз падзеі на ўсходзе краіны.

У «Медыя Група Украіна» не збіраюцца абмяжоўвацца супрацоўніцтвам толькі з Укртэлекамам. Цяпер група ўкладае дамовы з іншымі інтэрнэт-правайдэрамі, каб іх абаненты таксама мелі магчымасць глядзець тэлевізію ад Oll.tv.