У Каліфорніі прайшоў чэмпіянат у сёрфінгу для сабак (Відэа)
4- 14.07.2014, 15:00
- 5,702
На пляжы Imperial Beach у Каліфорніі адбыўся традыцыйны турнір у сабачым сёрфінгу Surf Dog Competition, у якім узялі ўдзел больш за 50 сабак.
Першае месца ў спаборніцтве, праведзеным сярод сабак буйных заводаў, заняў баксёр на мянушку Ханзо. Ён таксама стаў прызёрам у катэгорыі «тандэм» (імя і завод яго партнёра не ўдакладняюцца), піша Lenta.ru.
Спаборніцтва ў сёрфінгу для сабак прайшло дзявятым разам. Сабакі-супернікі заўсёды падзеленыя на «вагавыя катэгорыі». Асобна спаборнічаюць буйныя сабакі, сярэднія і дробныя, таксама ёсць асобны конкурс для тандэмаў.
У конкурсе для сабак сярэдніх памераў перамога дасталася сабаку на мянушку Рыкашэт. Сярод зусім мініяцюрных стварэнняў лепшым сёрфэрам стаўся сабака Зігі. Заводы прызёраў не ўдакладняюцца.
Пераможцы ў кожнай катэгорыі атрымалі прызы - падарункавыя сэртыфікаты на 250 даляраў ад Petco, буйной амерыканскай сеткі заакрам.
У 2013 годзе першае месца ў спаборніцтве буйных сабак заняў ангельскі бульдог Тылман. Пераможца 2014 года Ханзо таксама тады ўдзельнічаў у спаборніцтве і заняў другое месца ў тандэмным катанні.
Уладальнікі сабак зараней рыхтавалі гадаванцаў да конкурсу Surf Dog Competition, практыкавалі іх і шылі строі для выступу. Большасць з іх адзначыла, што зарука перамогі - добрае здароўе жывёліны і любоў да хваль.