У Днепрапятроўску на прарасейскі мітынг прыйшлі два чалавекі (Відэа)

У Днепрапятроўску ля Опернага тэатра ўчора прайшло народнае веча.

На яго прыйшлі амаль 300 днепрапятроўцаў. Абараняць сепаратыстаў на Усходзе прыйшлі толькі два прарасейскія актывісты, піша segodnya.ua.

На мітынгу таксама адбыўся інцыдэнт з журналісткай мясцовага «11 канала». Сафію Багуцкую прынялі за прыхільніцу сепаратыстаў. «Калі журналістка «11 канала» Сафія Багуцкая, адна з самых шчырых вядомых мне патрыётак Украіны, спрабавала запісаць жанчыну, папярэдне падобную на прарасейскі настроеную, яе пачалі акружаць людзі, крычаць, што яна прадажная журналістка, што яна не мае права пісаць сепаратараў, абражаць і ў выніку абсыпалі яе мукой пад усеагульную радасць», - піша ў сваім «Фэйсбуку» журналістка Валерыя Мальчэнка.

У той жа час арганізатар акцыі Віктар Раманенка заявіў, што ўважае напад на журналістку за непаразуменне. У размове з журналістам «Сёння» Раманенка заявіў, што спрабуе развязаць канфлікт.

«Тое, што адбылося, вельмі сумнае непаразуменне. Цяпер мы вывучаем відэа, спрабуем высветліць, хто вінаваты. Акрамя таго, мы прыносім свае прабачэнні. Я думаю, што ўсё атрымаецца ўладзіць без судовай цяжбы», - распавёў Раманенка.