Фюле патрабуе ад Расеі прымусіць ваеўнікоў ва Украіне скласці зброю

ЕЗ патрабуе ад Расеі пільна паўплываць на незаконныя ўзброеныя фармаванні ва ўсходняй Украіне.

Пра гэта заявіў чалец Еўрапейскай камісіі Штэфан Фюле, выступаючы ў аўторак на пленарнай сэсіі Еўрапарламэнта.

"Трэба пільна дамагчыся спынення агню і выканаць мірны план прэзідэнта Украіны Пятра Парашэнкі", - падкрэсліў ён, выступаючы ад імя кіраўніцы дыпламатыі ЕЗ Кэтрын Эштан, піша "Інтэрфакс-Украіна".

Са слоў Фюле, "права і абавязак кожнай дзяржавы аднавіць законнасць і абараніць тэрытарыяльную цэласнасць краіны". Дзеянні украінскіх узброеных сіл на ўсходзе Украіне, адзначыў ён, "гэта не вайна супраць цывільнага насельніцтва, а вайна супраць добра навучаных і ўзброеных ваеўнікоў".

Ён нагадаў, што 16 ліпеня ў Брусэлі лідэры краін ЕЗ ацэняць становішча на Украіне і ў выпадку патрэбы могуць зрабіць дадатковыя захады ў дачыненні да Расеі.