Арсеній Яцэнюк наведаў вызвалены Славянск
- 16.07.2014, 16:24
- 11,976
Падчас візіту прэм'ер паабяцаў аднавіць разбураную школу да пачатку навучальнага года.
Прэм'ер-міністр Украіны Арсеній Яцэнюк прыбыў з рабочым візітам у надоечы вызвалены ўкраінскімі войскамі Славянск, паведамляе «Радио Свобода».
Яцэнюк пракаментаваў надзённыя праблемы горада, у прыватнасці, праблему пітной вады.
Падчас паездкі прэм'ер агледзеў адзін з пашкоджаных жылых дамоў і сярэднюю школу №15, якая таксама зазнала разбурэнні. Яцэнюк паабяцаў, што школу, у якой навучаюцца больш за 650 дзяцей, адрамантуюць да 1 верасня.
Пасля журналіст Аляксандр Аргат на сваёй старонцы ў сетцы мікраблогаў «Твітэр» паведаміў, што Арсеній Яцэнюк знаходзіцца ў Сямёнаўцы, выклаўшы фота прэм'ер-міністра.
Раней паведамлялася, што шкода ад разбурэнняў у Славянску ацэненая ў 1,5 мільярда грыўняў.