Мікалай Паўлаў: Спадзяюся, Крым будзе вернуты Украіне

Экс-гулец менскага «Дынама», чэмпіён СССР 1983 і галоўны трэнер Марыупальскага «Ильічаўца» распавёў аб сваім бачанні сітуацыі ва Украіне.

Мікалай Паўлаў адказаў на пытанні «Прессбола».

- Ніяк не абыйсці тэму таго, што адбываецца ва Украіне. Нам у Беларусі цяжка разабрацца, хто мае рацыю, а хто вінаваты. Ваша стаўленне да таго, што дзеецца на вашай радзіме? Як можна ўрэгуляваць сітуацыю?

- Першы час і нам тут было складана разабрацца, што адбываецца. Тым больш Марыупаль 9 траўня таксама быў гарачым пунктам. Увесь дзень прасядзелі ў кватэрах, не выходзілі на вуліцу. Цудам дагулялі чэмпіянат. Цяпер, як мне здаецца, абстаноўка стабілізуецца.

Бліжэйшым часам, спадзяюся, наступіць мір. І так занадта вялікія ахвяры мы панеслі сярод цывільнага насельніцтва. Не кажучы ўжо пра хлопцаў, якіх прызываюць у войска і якія гінуць, нават не пажыўшы. Гэта не можа не шакаваць людзей старэйшага пакалення.

- Некаторыя клубы Крыма хацелі далучыцца да чэмпіянату Расеі, але ФІФА адмовіла ім у гэтым. Правільнае пастанова?

- Не каманды хацелі, а кіраўнікі паўвыспы. Спадзяюся, Крым будзе вернуты Украіне, стане, як і раней, яго неад'емнай часткай.

- Апошнія падзеі не пасварылі вас са знаёмымі расейцамі?

- Не, ні ў якім разе! З кім быў знаёмы, з усімі засталіся добрыя стасункі. Многія тэлефануюць, падтрымліваюць. У тым ліку і з Беларусі.