16 вёсак Гомельскай вобласці будуць зруйнаваныя

У Гомельскай вобласці пачнуць руйнаванне дамоў і будынкаў у 16 населеных пунктах, дзе не засталося ніводнага жыхара.

Пра гэта паведаміла БелТА першая намесніца начальніка землеўпарадкавальнай службы аблвыканкама Людміла Кулініч.

«На жаль, дзель сельскага насельніцтва ў рэгіёне ўвесь час памяншаецца. З прычыны гэтага ў вёсках і пасёлках павялічваецца колькасць безгаспадарных, аварыйных і старых дамоў і будынкаў, у якіх ніхто не пражывае. Цяпер іх налічваецца амаль 12 тысяч. «Таму кіраўніцтва вобласці паставіла перад нашай установай задачу максімальна актывізаваць работу для навядзення парадку ў сельскіх населеных пунктах. У гэтым годзе плануем зруйнаваць 5,5 тысяч такіх дамоў. Гэта амаль на 70% больш, чым, напрыклад, у 2011 годзе», - адзначыла субяседніца.

Акрамя навядзення належнага парадку ў вёсках і пасёлках, гэта таксама дазваляе знізіць пажарную небяспеку і тым самым засцерагчы жылыя дамы, якія знаходзяцца побач. «Вызваленыя зямельныя надзелы перадаюцца ў карыстанне мясцовым гаспадаркам, якія залучаюць іх у сельскагаспадарчы абарот, або лясгасам пад пасадку лесу. У першым паўгоддзі 2014 рэанімавана блізу 1 тысячы га такіх зямель», - сказала Людміла Кулініч.

Усе працы для руйнавання пустых і старых дамоў у сельскай мясцовасці праводзяцца за бюджэтныя сродкі. У гэтым працэсе задзейнічана некалькі арганізацый і ўстаноў. Напрыклад, перш чым зруйнаваць будынак, трэба выканаць адпаведныя юрыдычныя працэдуры ў дачыненні да іх уладальніка або да спадчынніка. На правядзенне саміх работ, асноўны аб'ём якіх выконваюць падраздзяленні абласной управы МНС, таксама патрэбныя ўзгадненні.