Рабаў - пра свой адпачынак: «Буду рыбаліць і ніякага інтэрнэту!»

Чалавек, які кожны дзень распавядае беларусам пра надвор'е, сыходзіць у адпачынак.

Класічнае летняе надвор'е, з высокай тэмпературай і дажджамі, захаваецца ў Беларусі і на наступным тыдні.

"Найбліжэйшыя выходныя ўмовы надвор'я на тэрыторыі Беларусі будзе вызначаць цёплая вільготная паветраная маса. Тэмпература вады на рэках і вадаёмах рэспублікі будзе 20-25", - паведаміў агенцтву "Інтэрфакс-Захад" у пятніцу начальнік службы прагнозаў Рэспубліканскага гідраметэацэнтра Дзмітры Рабаў.

"У суботу мінімальная тэмпература паветра ноччу будзе знаходзіцца ў межах 12-18 градусаў цяпла, максімальная днём - +24- +30 ° С. У дзённыя гадзіны месцамі, у асноўным па ўсходзе, прашуміць цёплыя летнія навальнічныя дажджы", - распавёў Рабаў.

У Менску будзе без істотных ападкаў, тэмпература паветра мінімальная ўначы 15-17, максімальная ўдзень 26-28 градусаў цяпла, адзначыў ён.

У нядзелю, працягваў суразмоўца агенцтва, на ўсходняй палове рэспублікі адаб'ецца ўплыў маларухомых атмасферных франтоў, пройдуць кароткачасовыя дажджы, навальніцы. Тэмпература паветра мінімальная ўначы 12-18, максімальная ўдзень ад + 21 на паўночным усходзе да +30 на паўднёвым захадзе краіны.

Што да прагнозаў надвор'я на наступны тыдзень, Д.Рабаў паведаміў, што "тэрыторыя Беларусі будзе знаходзіцца пад уплывам маларухомага атмасфернага фронту і пераважна цёплых паветраных мас". "На большай частцы тэрыторыі чакаюцца кароткачасовыя дажджы. Месцамі навальніцы, моцныя дажджы, удзень магчымы град. Тэмпературны рэжым істотна не зменіцца", - распавёў прадстаўнік Белгідрамета, удакладніўшы, што днём паветра прагрэецца да 25-30 градусаў цяпла.

Агулам ён адзначыў, што прырода падорыць "тым, хто сыходзіць у адпачынак з наступнага тыдня, цудоўнае летняе надвор'е".

Свой адпачынак Рабаў мае намер прабавіць ў Беларусі - на лецішчы пад Лагойскам. "Я буду рыбаліць, купацца, загараць, рабіць шашлыкі, хадзіць у лес у ягады ды грыбы", - сказаў самы вядомы сіноптык краіны. "І ніякага Інтэрнэту!" - дадаў ён.