Парламент Грузіі ратыфікаваў пагадненне з ЕЗ

Парламент Грузіі на пасяджэнні ў рамках пазачарговай сесіі ратыфікаваў Пагадненне аб асацыяцыі з Еўразвязам.

Пра гэта паведамляе УНІАН.

За ратыфікацыю Пагаднення аб асацыяцыі з ЕЗ, неад'емнай часткай якога з'яўляецца пагадненне аб паглыбленай і ўсёабдымнай зоне свабоднага гандлю, аднагалосна прагаласавалі 123 дэпутаты, якія прайшлі рэгістрацыю, з 150 прадстаўленых у парламенце Грузіі.

Нагадаем, што 27 чэрвеня Еўрапейскі Звяз падпісаў Пагадненне аб асацыяцыі з Украінай, Малдовай і Грузіяй.