Мінэканомікі пакуль не пастанавіла, ці падаражэе праезд у жніўні

Пастанова павышэння кошту праезду ў гарадскім пасажырскім транспарце Беларусі пакуль не прынятая.

Пра гэта паведаміў БелТА намеснік прэм'ер-міністра Анатоль Калінін, адказваючы на пытанне, ці будуць у жніўні павялічвацца тарыфы на пасажырскія перавозкі.

«Гэтае пытанне яшчэ ў прапрацоўцы», - сказаў віцэ-прэм'ер. З ягоных слоў, цяперашнія тарыфы на пасажырскія перавозкі не пакрываюць усіх выдаткаў. «У нас блізу толькі 40% аплачвае насельніцтва, астатняе – за кошт нагрузкі на бюджэт. Міністэрства эканомікі кантралюе гэтае пытанне, звязваючы яго перш за ўсё з прыбытковасцю насельніцтва ў гэты прамежак часу», - канстатаваў намеснік кіраўніка ўрада.

У красавіку гэтага года падчас прамой лініі Анатоль Калінін заяўляў, што кошт праезду ў гарадскім пасажырскім транспарце да жніўні расці не будзе. Тады ён удакладніў, што ў Менску плануецца давесці кошт за адну паездку да Br4,5 тыс, у рэгіёнах - да Br4 тыс.

Цяпер за праезд у гарадскім пасажырскім транспарце ў абласцях трэба заплаціць Br3200, у Менску - Br3700.