Палякі нясуць кветкі да амбасады Нідэрландаў
2- 21.07.2014, 15:38
- 6,192
Лужок каля брамы амбасады ўвесь у кветках і цыдулках на розных мовах.
Журналіст сайта charter97.org наведаў пляцоўку перад пасольствам каралеўства Нідэрландаў. Акрамя кветак ад палякаў і беларусаў на лужку апынуліся кветкі ад украінскіх студэнтаў, цыдулкі ды ўкраінскія сцяжкі.
Сцяг Нідэрландаў на тэрыторыі пасольства прыспушчаны.
«Stop Russian Terrorism», «Ukraine Mourns Along», «Знiнiцi небес прозорі, і кожному час прозріти. Бо падати мали б зорі, а падають діти»… - пішуць людзі на цыдулках ля пасольства.
Нагадаем, самалёт, які ляцеў рэйсам Амстэрдам (Нідэрланды) - Куала-Лумпур (Малайзія), быў збіты 17 ліпеня на ўсходзе Украіны. СБУ распачала крымінальную справу паводле артыкула «тэракт». Апублікаваныя запісы размоваў, з якіх вынікае, што самалёт збілі менавіта баевікі. СБУ мае бясспрэчныя довады таго, што «Боінг-777» быў збіты з ужываннем зенітна-ракетнага комплексу «Бук-М», які разам з экіпажам быў перапраўлены ва Украіну з Расеі.